1Cor 10 | Ndebele | STEP | Kangithandi-ke ukuthi lingazi, bazalwane, ukuthi bonke obaba bethu babengaphansi kweyezi , njalo bonke badabula ulwandle ,

1 Kangithandi-ke ^a ukuthi lingazi, bazalwane, ukuthi bonke obaba bethu babengaphansi kweyezi ^b, njalo bonke badabula ulwandle ^c, 2 futhi bonke babhabhathizwa kuMozisi ^d eyezini lasolwandle, 3 labo bonke badla ukudla kunye komoya ^e, 4 futhi bonke banatha okunathwayo kunye komoya ^f; ngoba banatha edwaleni lomoya elabalandelayo; lalelodwala lalinguKristu. 5 Kodwa ubunengi babo uNkulunkulu ^g wayengathokozi ngabo; ngoba bachithwa enkangala ^h. 6 Lalezizinto zaba yizibonelo ^{i
,} ^{▼▼ izibonelo: kumbe, izifanekiso.} kithi, ukuze singaloyisi okubi, njengalokhu labo baloyisa ^k. 7 Njalo lingabi ngabakhonza izithombe ^l, njengabanye babo; njengokulotshiweyo ukuthi: Abantu ^m bahlala phansi ukudla lokunatha, basebesukuma ukudlala. 8 Njalo kasingaphingi ⁿ, njengabanye babo abaphingayo, basebesiwa ngasuku lunye inkulungwane ezingamatshumi amabili lantathu ^o. 9 Njalo asingamlingi uKristu, njengabanye babo futhi bamlinga ^p, basebebhujiswa zinyoka ^q. 10 Lingasoli-ke, njengabanye babo labo basola ^r, babhujiswa ^s ngumbhubhisi ^t. 11 Lalezizinto zonke zabehlela labo kube yizibonelo ^{u
,} ^{▼▼ izibonelo: kumbe, izifanekiso.}, njalo zabhalelwa ukuba ^w yisixwayiso sethu, osekufike ukucina kwezikhathi ^x. 12 Ngakho lowo ocabanga ukuthi umi ^y, kabone ukuthi kawi. 13 Kakulakulingwa okulibambileyo ngaphandle kokusebantwini; kodwa uNkulunkulu uthembekile ^z, ongayikuvuma ^aa ukuthi lilingwe ngokungaphezu kwamandla enu, kanti kanye lesilingo uzakwenza lendlela yokuphepha ^ab, ukuze libe lamandla okusithwala.

Lingakhonzi izithombe

14 Ngakho-ke, bathandiweyo bami, balekelani ukukhonza izithombe ^ac. 15 Ngikhuluma njengakwabahlakaniphileyo ^ad; lina yehlukanisani engikutshoyo. 16 Inkezo ^ae yesibusiso esiyibusisayo, kayisiyo yini eyokuhlanganyela ^af kwegazi likaKristu? Isinkwa ^ag esisihlephunayo, kayisiso yini esokuhlanganyela ^ah komzimba kaKristu? 17 Ngoba thina abanengi ^ai siyisinkwa sinye, simzimba munye ^aj; ngoba thina sonke sihlanganyela lesosinkwa sinye. 18 Khangelani ^ak uIsrayeli ngokwenyama ^al; abadlayo imihlatshelo kabasibo ^am yini abahlanganyela lelathi? 19 Ngithini pho? Ukuthi isithombe siyilutho yini ^an? Kumbe ukuthi okuhlatshelwe izithombe kuyilutho? 20 Kodwa ukuthi izinto abezizwe abazihlabayo, bazihlabela amadimoni ^ao, njalo kungeyisikho kuNkulunkulu; kodwa kangithandi ukuthi libe lenhlanganyelo ^ap lamadimoni. 21 Lingenathe inkezo yeNkosi ^aq lenkezo yamadimoni ^ar; lingehlanganyele itafula leNkosi letafula lamadimoni. 22 Kumbe sizayivusela ^as ubukhwele iNkosi? Kambe silamandla kulayo ^at?

23 Zonke izinto ^au zivunyelwe kimi, kodwa kayisizo zonke izinto ezisizayo. Zonke izinto zivunyelwe kimi, kodwa kayisizo zonke izinto ezakhayo ^av. 24 Kakungabi khona ozidingela okwakhe ^aw, kodwa ngulowo lalowo okomunye. 25 Konke okuthengiswa esilaheni ^ax kudleni, lingabuzi lutho ^ay ngenxa yesazela ^az; 26 ngoba umhlaba ^ba ungoweNkosi lokugcwala kwawo. 27 Njalo uba omunye kwabangakholwayo elinxusa, njalo lithanda ukuya, dlanini konke okubekwa phambi kwenu ^bb, lingabuzi lutho ^bc ngenxa yesazela ^bd. 28 Kodwa uba umuntu esithi kini: Lokhu kuhlatshelwe isithombe ^be; lingadli ngenxa yalowo olitshelileyo ^bf, langenxa yesazela ^bg; ngoba umhlaba ^bh ungoweNkosi lokugcwala kwawo. 29 Kodwa isazela ^bi ngithi, esingeyisiso esakho, kodwa esomunye; ngoba kungani inkululeko yami ^bj yahlulelwe yisazela somunye? 30 Njalo uba mina ngomusa ngihlanganyela, ngikhulunyelwani kubi ngalokho mina engikubongayo ^bk? 31 Ngakho uba lisidla ^bl, loba linatha, loba lisenzani, konke kwenzeleni udumo ^bm lukaNkulunkulu. 32 Lingabi ^bn ngabakhubekisi ^bo lakumaJuda lakumaGriki lebandleni likaNkulunkulu ^bp; 33 njengami futhi ezintweni zonke ngithokozisa bonke ^bq, ngingadingi olwami usizo ^br, kodwa olwabanengi, ukuze basindiswe ^bs.